background
Aktuelno
29 Jan 2018
Komentara 0

Bolje spriječiti nego liječiti

Promjena vremena u zimskom periodu, nagli rast temperatura je idealno igralište za viruse. Neki od njih će nas možda samo dotaći, sa nekima ćemo se možda viteški boriti, ali postoji način da to spriječimo. Nema potrebe jesti duplo više, jer su naše bake govorile da tako postajemo jači, treba samo uključiti nekoliko glavnih boraca u svakodnevnu ishranu.

1. Citrusi

I ptice na grani znaju koliko je važno redovno unositi vitamin C u organizam. Međutim, sve češće se postavlja pitanje koliko je ovaj vitamin dovoljan kada nas virus već uhvati pod svoje. Ali je neupitno da zamjena vode limunadom, cijeđenom pomorandžom, grejpom, može biti presudna kada virus tek krene da nam se približava. Zato kad osjetite ono da ste “ni tamo, ni ‘vamo”, iscijedite sebi jedan miks citrusa. Ako vam je muka, možemo i mi to da odradimo umjesto vas. :)

2. Bijeli luk

Vampiri piju krv, a virusi našu energiju, a bijeli luk rješava i jedno i drugo. Osim što jelima daje poseban “šmek”, bijeli luk sadrži alicin, sumporno jedinjenje koje čini čuda i protiv virusa i bakterija. Iako ga većina ljudi izbjegava zbog neprijatnog mirisa, on se može ublažiti listićima nane, zelenim čajem ili limunom. A najbolje je iskoristiti sve od ponuđenog u jednom toplom napitku.

3. Dobre masti

Pod tim mislimo na omega-3 masne kisjeline, koje ne morate tražiti po bočicama u apoteci. Njih ima u lososu, sardinama, tuni, skuši… Da li će to biti u formi omleta, brusketa ili filea, neka vaš stomak odluči. Znate da ljekari preporučuju ribu dva puta nedjeljno.

4. Đumbir

Jedan od onih sastojaka koji se koristi od davnina u svrhe jačanja organizma.  Đumbir ima sposobnost da se bori protiv nagomilanih toksina i nastanka različitih infekcija. Možete ga dodati u voćne smutije, kao začin u prelive ili kolače, a instant osvježenje dobićete ukoliko ga pomiješate sa medom i limunom.

5. Zeleni čaj

Stekao je veliku popularnost kao napitak koji topi masnoće, ali je njegovo pozitivno dejstvo na organizam višestruko. Ovaj snažni antioksidans, osim što ubrzava metabolizam, smanjuje loš holesterol, jača krvne sudove, reguliše nivo šećera u krvi i povećava cjelokupnu otpornost organizma. Samo izbjegavajte da ga pijete prije spavanja, jer zbog kofeina može dovesti do blage nesanice.

Podijelite sa nama Vašu tajnu za jačanje imuniteta. :)

Dodaj novi komenatar

Komentari